jueves, 31 de enero de 2013

CELEBRAMOS O DÍA DA PAZ



Nenos saharauis xogan con rodas no deserto.
O día 30, Día da Paz, a profe Fátima  mostrounos un vídeo e explicounos  como é   a  vida diaria    dos nenos e nenas  saharauis que viven en campamentos,  nun pedazo do deserto do Sáhara.
Tamén nos contou como gozan cando veñen  a Galicia de vacacións, no verán, con familias de acollida e como se sorprenden de todas as comodidades que temos aquí, pois a súa vida alí é moi dura e difícil.
Para recaudar fondos cos que poder traer a nenos e nenas saharauis de vacacións a Galicia, o noso centro participará nunha carreira solidaria que se celebrará no colexio o luns 4 de febreiro.

sábado, 26 de enero de 2013

FINA CASALDERREY NA RAG


As nenas e nenos galegos estarán representados na RAG (Real Academia Galega), a partir de agora, pola escritora pontevedresa Fina Casalderrey, que acaba de ser elexida numeraria da Real Academia Galega (é a quinta muller en contar cunha cadeira neste organismo).
A nova académica da RAG é autora dunha vasta obra, sobre todo no eido da literatura infantil e xuvenil. Á publicación da novela infantil Mutacións xenéticas en 1991 seguíronlle Dúas bágoas por máquina, A noite dos coroides, Chamizo, ¡Asústate, Merche! e O misterio dos fillos de Lúa. Con esta última gañou no ano 1995 o Premio Nacional de literatura infantil e xuvenil e o premio El Barco de Vapor. Da súa extensa bibliografía destacan outros títulos como O estanque dos parrulos pobres -co que acadou o premio Edebé de literatura infantil e xuvenil- ¡Prohibido cazar, papá!, Ás de mosca para Anxo, Bicos de prata, Eu son eu, Un misterio na mochila de Alba e ¿Quen me quere adoptar? Ademais destes galardóns parte da obra de Casalderrey foi traducida a varios idiomas.




Estes son algúns dos libros de Fina Casalderrey que temos na nosa biblioteca. Non os recoñecedes? Seguro que moitas e moitos de vós xa os lestes.



domingo, 13 de enero de 2013

DE VILATUXE A MADRID CON SENTIMENTO


Os poemas escritos por un grupo de nenos e nenas do noso colexio o curso pasado, foron escollidos para protagonizar un calendario que será repartido entre dous mil madrileños.
Grazas á interese que por eses poemas mostrou o coñecido  contacontos  de Lalín Celso Sanmartín e á financiación de  Mario Lamazares, dono de varios restaurantes no centro de Madrid, as  sentidas creacións dos nosos nenos e nenas, realizadas unha alegre mañá  de primavera, tirados na herba, debaixo dos carballos, cobraron vida máis alá da nosa aldea. Parabéns e a seguir creando!

MÁIS NOVIDADES EN XANEIRO

Van chegando, co novo ano, novas lecturas á nosa biblioteca.
Desde os máis pequenos aos máis grandes, libros e películas para todos!